வக்ப் வாரியத்தில் வேலைவாய்ப்பு:

வக்ப் வாரியத்தில் இளநிலை உதவியாளர் பணிக்காலியிடங்களுக்கு மாவட்ட வேலைவாய்ப்பு அலுவலகத்தில் சீனியாரிட்டி பட்டியல் தயாரிக்கப்பட்டுள்ளது. இதுகுறித்து மாவட்ட வேலைவாய்ப்பு அலுவலக உதவி இயக்குனர் ஜான் பிலிப்போஸ் தெரிவித்ததாவது:

தமிழ்நாடு வக்ப் வாரிய தலைமை நிர்வாக அலுவலரால் அறிவிக்கப்பட்ட தற்காலிக இளநிலை உதவியாளர் பணிக் காலியிடங்களுக்கு உத்தேச சீனியாரிட்டி பட்டியல் தயாரிக்கப்பட்டுள்ளது. இப்பணி காலியிடங்களுக்கு முஸ்லிம் ஆண் மனுதாரர்கள் மட்டுமே தகுதியானவர்கள். ஏதேனும் ஒரு பட்டப்படிப்பில் தேர்ச்சி பெற்று மாவட்ட வேலைவாய்ப்பு அலுவலகத்தில் பதிவு செய்திருக்க வேண்டும். வயது வரம்பை பொறுத்தவரை 31.7.2007 அன்று 35 வயதுக்குள் இருக்க வேண்டும். வயது வரம்பில் வேறு எந்த சலுகையும் கிடையாது. இப்பணி காலியிடங்களுக்கு 31.12.97 வரை பதிவு செய்த பட்டதாரி முஸ்லிம் இனத்தை சேர்ந்த ஆண் மனுதாரர்கள் மட்டும் தங்களது பெயர் பட்டியலில் இடம் பெற்றுள்ள விபரத்தை வரும் 29ம் தேதி மதியம் 2.30 மணிக்கு மாவட்ட வேலைவாய்ப்பு அலுவலகத்திற்கு வேலைவாய்ப்பு அடையாள அட்டையுடன் வந்து உறுதி செய்து கொள்ள வேண்டும். இவ்வாறு உதவி இயக்குனர் தெரிவித்தார்.