இந்தியன் ஆயில் நிறுவனத்தில் பணிகள்:

பார்ச்சூன் 500 நிறுவனங்களில் ஒன்றான இந்தியன் ஆயில் நிறுவனத்தில் காலியாகவுள்ள பல்வேறு அதிகாரி நிலை பணியிடங்களுக்கான அறிவிப்பு வெளியிடப்பட்டுள்ளது. இது பற்றிய விபரம்:

பணியின் பெயர்:
இன்ஜினியர்/ஆபிசர்ஸ்/எச்.ஆர். அதிகாரிகள்/கிராஜூவேட் அப்ரென்டிஸ் இன்ஜினியர்கள்.

காலியிட எண்ணிக்கை: 400

பணிப் பிரிவுகள்:
கெமிக்கல், மெக்கானிக்கல், எலக்ட்ரிகல், சிவில், இன்ஸ்ட்ருமெண்டேசன், கம்ப்யூட்டர் சயின்ஸ், ஐ.டி., மெடலர்ஜி, பயர் இன்ஜினியரிங், பாய்லர் ஆபரேசன்ஸ், எச்.ஆர். மற்றும் பைனான்ஸ்.

தகுதிகள்:
மேலே குறிப்பிட்டுள்ள பிரிவுகளில் ஒன்றில் குறைந்தது 65% மதிப்பெண்களுடன் பி.இ./பி.டெக். தேர்ச்சி பெற்றிருக்க வேண்டும். எச்.ஆர். பணிக்கு அந்தப் பிரிவில் சிறப்புப் படிப்புடன் எம்.பி.ஏவை 60%உடன் பெற்று தேர்ச்சி பெற்றிருக்க வேண்டும். அல்லது எச்.ஆர். அல்லது பர்சானல் மேனேஜ்மெண்ட் பி.ஜி. டிப்ளமோவில் 60% மதிப்பெண்களுடன் தேர்ச்சி பெற்றிருக்க வேண்டும். 26 வயதுக்குள் இருக்க வேண்டும். வழக்கமான மத்திய அரசு வயது சலுகைகள் இதற்கும் தரப்படும்.

தேர்வு முறை:
ஜூலை 6 அன்று இதற்கான போட்டித் தேர்வு நடத்தப்படும். இதில் ஜெனரல் ஆப்டிடியூட் மற்றும் டிசிப்ளின் நாலெட்ஜ் ஆகியவற்றில் அப்ஜக்டிவ் கேள்விகள் இடம் பெறும். குழு விவாதமும் குழுத் திறனறியும் பகுதியும் நேர்முகத் தேர்வும் எழுத்துத் தேர்வில் தகுதி பெறுபவருக்கு நடத்தப்படும்.

விண்ணப்பக் கட்டணம்:
இதற்கான கட்டணம் ரூ.300. இது டிடியாக இந்தியன் ஆயில் கார்ப்பரேசன் பெயரில் புதுடில்லியில் மாற்றத்தக்கதாக எடுக்கப்பட வேண்டும்.

விண்ணப்பிக்கும் முறை:
இதற்கு ஆன்லைனில் விண்ணப்பிக்க வேண்டும். மே 3ந்தேதி முதல் இப்படி விண்ணப்பிக்கலாம். மே 20 வரை விண்ணப்பிக்கலாம். இப்படி ஆன்லைனில் பதிவு செய்தபின் கிடைக்கும் தாளை பிரிண்ட் எடுத்து கையெழுத்திட்டு ஜாதிச் சான்றிதழின் நகலோடு இணைத்து டிடியுடன் அனுப்ப வேண்டும். சாதாரணதபாலில் மட்டுமே இதை அனுப்ப வேண்டும்.

விண்ணப்பிக்கும் முகவரி:
Advertiser,
Post Box No.3098,
Lodhi Road Head Post Office,
New Delhi-110 003.

விண்ணப்பம் சென்றடைய கடைசி நாள் மே 26, 2008.

முழு விபரங்களறிய இன்டர்நெட் தள முகவரி:
www.iocl.com/PeopleCareers/Careers.aspx